Токиоялде нух балагьулаго

Россиялъул чемпионаталда щуго меседил медаль щвана дагъистаниязе

 

Токиоялде нух балагьулаго
Россиялъул чемпионаталда щуго меседил
медаль щвана дагъистаниязе

Канлъукъал спортсменазда гьоркьоб тIобитIараб дзюдоялъул рахъалъ Россиялъул чемпионаталда тIоцебесеб бакI босана Дагъи­станалъул командаялъ. Нилъер республикаялдаса 29 спортсмен гIахьаллъана гьелда ва щугояв тIадвуссана меседил медалалгун, ункъоясе щвана кIиабилел бакIал ва анкьгоясе — лъабабилел.
Улкаялъул чемпионаталда бищунго лъикIал хIасилал рихьизаруна ГIабдула КъурамухIамадовас (100 кг), Руслан Албогачиевас (73 кг), Заур ЖабрагIиловас (60 кг), Аминат МухIамадовалъ (63 кг) ва Зейнаб Гаургашвилица (57 кг).
Бергьаразе ихтияр щвана гIагараб заманалда букIине бугеб рехсараб спорталъул рахъалъ Европаялъул чемпионаталда гIахьаллъизе. Гьенир бергьарал церерахъине руго Токиоялда букIине бугеб Паралимпиадаялда.